Willkommen auf den Seiten des Auswärtigen Amts
Aplikim për vizë me qëllim formim profesional
Lutemi të lexoni me kujdes këtë fletë-informacioni dhe formularin e aplikimit dhe përmbajuni saktësisht udhëzimeve.
Aplikimet e plotësuara në mënyrë të mangët apo dokumentacioni i paplotë mund të çojnë në refuzimin e aplikimit. Si pasojë do të nevojitet rezervimi i një date të re aplikimi përfshirë periudhat përkatëse të pritjes.
Ju lutemi vini re që kërkesa për vizë të bëhet të paktën 4 muaj përpara fillimit të formimit profesional. Procedura zgjat si rregull 2-4 jave. Nëse keni pasur qëndrime afatgjata në Gjermani përgjigja mund të zgjasë edhe më shumë. Ndaj lutemi për mirëkuptimin tuaj që brenda 6 javëve të para, prej ditës së aplikimit, nuk mund t’u japim përgjigje pyetjeve lidhur me stadin aktual të procedurës.
Për aplikimin ju nevojitet dokumentacioni në formën e përshkruar më poshtë: | ||
1. | Formularë aplikimi për vizë | 1 copë, të plotësuara në mënyrë plotësisht të lexueshme, të nënshkruara personalisht. |
2. | Tarifa | Tarifat dhe detyrimet duhet të paguhen kesh në monedhën shqiptare LEK. Tarifa është 75,00 Euro përllogaritur me kursin aktual të këmbimit. |
3. | Fotografi pashaporte | 2 fotografi identike biometrike për pashaportë, jo më të vjetra se 6 muaj, me sfond të bardhë, madhësia 45x35 mm. |
Dokumentat e mëposhtme duhen dorëzuar në origjinal, me një kopje (Dokumentet e kopjuara nuk duhet të jenë të kapura, apo të ngjitura!) | ||
| 4. | Pashaporta e udhëtimit | Me të paktën dy faqe bosh. Lutemi mbani në considerate që afati i vlefshmërisë së pasaportës duhet të tejkalojë me të paktën 6 muaj kohëzgjatjen e vizës. |
5. | Kontratë e formimit profesional e nënshkruar | Kontrata e formimit profesional ose e praktikës në origjinal, duhet të përmbajë të dhëna të sakta si më poshtë:
Nëse kontrata nuk përmban të dhënat e formimit profesional të synuar, duhet të paraqitet një plan më vete i formimit profesional. |
6. | Deklaratë që përshkruan punën që do të kryeni | Deklaratën e gjeni këtu. Kjo deklaratë është e detyrueshme që prej 1 prill 2020 për të gjitha fushat e punësimit, edhe për formimin profesional (shkollë profesionale). |
7. | Dëshmi kualifikimi | P.sh. diploma, certifikata, nëse dispononi edhe dëshmi mbi njohjen e diplomave nga institucione në Gjermani. Udhëzim: Diplomat shqiptare duhet të jenë të pajisura me vulë apostile dhe të përkthyera në gjermanisht. |
8. | Jetëshkrimi ( CV) | Jetëshkrim i detajuar dhe i formuluar nga vetë aplikuesi, duke paraqitur në mënyrë të veçantë kualifikimin dhe eventualisht veprimtarinë profesionale të deritanishme. |
| 9. | Dëshmi e gjuhës gjermane | Dëshmi për përvetësimin e suksesshëm të njohurive të gjuhës gjermane minimalisht në nivelin B1, në formë certifikate nga një institucion i njohur, ose nga një institucion arsimor shkollor, që njohuritë e gjuhës janë të mjaftueshme (përveç profesioneve në sektorin mjekësor për të cilat kërkohet niveli i gjuhes B1 (shikoni fletën informuese) |
| 10. | Dëshmi për një siguracion shëndetësor të mjaftueshëm | Kjo dëshmi duhet të paraqitet vetëm, nëse prej kontratës së punës nuk rezulton se punëdhënësi merr përsipër siguracionin shëndetësor. |
| 11. | Dëshmi për financa të mjaftueshme për jetesën | Nëse paga gjatë formimit profesional nuk arrin vlerën e 927,-€ (duke filluar nga 01.01.2025 € 990,-) në muaj, atëherë është e nevojshme paraqitja e një dëshmie për pjesën e munguar të financimit, si p.sh. në formën e një deklarate garancie ose dëshmia e hapjes së një llogarie bankare të bllokuar. Lidhur me këto të fundit dhe mundësi të tjera financimi lutemi të njiheni me informacionet në faqen e internetit të Ambasadës: www.tirana.diplo.de. |
| 12. | Minorenët | Në rastin e minorenëve nevojitet edhe certifikata e tyre e lindjes (çertifikatë në shqip me vulën apostile dhe përkthimin në gjuhën gjermane) dhe një deklaratë e noterizuar e dakordësisë së prindërve/kujdestarit ligjor për largimin e fëmijës me qëllim studimesh. Në deklaratën noteriale duhet të cilësohet se kush do të marrë kujdestarinë gjatë qëndrimit në Gjermani. |
Në raste të veçanta, gjatë aplikimit apo procedurës së vizës, mund të kërkohen nga Ambasada dokumenta të caktuara të papërmendura më sipër.
Pavarësisht nga kohëzgjatja e qëndrimit tuaj të planifikuar në Gjermani, si rregull, viza do të lëshohet me një vlefshmëri prej 6 muajsh. Ju lutemi udhëtoni drejt Gjermanisë sa më shpejt të jetë e mundur dhe kontaktoni zyrën e të huajve përgjegjëse për ju, e cila do t'ju zgjasë lejen e qëndrimit dhe më pas do të jetë kontakti juaj kompetent për të gjitha pyetjet në lidhje me ligjin e imigracionit.
Klauzolë e përjashtimit nga përgjegjësia:
Të gjitha informacionet e mësipërme përcillen pa garancinë se janë të sakta apo të plota. Ato bazohen në stadin informativ të Ambasadës në momentin e hartimit të tyre.