Willkommen auf den Seiten des Auswärtigen Amts
Aplikim për vizë me qëllim lidhje martese ose bashkëjetesë të regjistruar me qëndrim të vazhdueshëm
Lutemi të lexoni me kujdes këtë fletë-informacioni dhe formularin e aplikimit dhe përmbajuni saktësisht udhëzimeve.
Në raste të veçanta, gjatë aplikimit apo procedurës së vizës, mund të kërkohen dokumenta të caktuara të papërmendura më sipër.
Aplikimet e plotësuara në mënyrë të mangët apo dokumentacioni i paplotë mund të çojnë në refuzimin e aplikimit me pasojë rezervimin e një date të re aplikimi.
Për aplikimin ju nevojitet dokumentacioni në formën e përshkruar më poshtë: | ||
1. | Formularë aplikimi për vizë | 1 kopje, të plotësuara në mënyrë plotësisht të lexueshme, të nënshkruara personalisht. |
2. | Tarifa | Tarifat dhe detyrimet duhet të paguhen kesh në monedhën shqiptare LEK. Tarifa është 75 Euro përllogaritur me kursin aktual të këmbimit. |
3. | Fotografi pashaporte | 2 fotografi identike biometrike për pashaportë, jo më të vjetra se 6 muaj, me sfond të bardhë, madhësia 45x35 mm. |
Dokumentat e mëposhtme duhen dorëzuar në origjinal, me një kopje (Dokumentet e kopjuara nuk duhet të jenë të kapura, apo të ngjitura!) | ||
| 4. | Pashaporta e udhëtimit | Me të paktën dy faqe bosh. Lutemi mbani në konsideratë që afati i vlefshmërisë së pashaportës duhet të jetë 6 muaj më i gjatë se kohëzgjatja e vizës. |
5. | Certifikatë lindjeje | Certifikata juaj e lindjes me vule apostile dhe përkthim në gjermanisht. |
6. | Regjistrim i lidhjes martesore pranë një zyre gjermane të gjendjes civile Ose Vërtetim i një zyre gjermane të gjendjes civile për plotësimin e të gjitha kritereve për një lidhje martesore | Ju lutem mbani në konsideratë që gjithsesi vërtetimi i regjistrimit të lidhjes martesore pranë një zyre gjermane të gjendjes civile duhet të paraqitet maksimumi deri në lëshimin e vizës! E njëjta gje vlen edhe për përcaktimin e datës konkrete të lidhjes martesore! |
7. | Pashaportë / kartë identiteti / leje qëndrimi e të fejuarit/ës në Gjermani | Nëse i fejuari / e fejuara nuk ka nënshtetësinë gjermane, atëherë duhet të paraqitet pashaporta e udhëtimit dhe leja e vlefshme e qëndrimit. (Këtu mjafton të paraqisni 2 kopje) |
| 8. | Dëshmi për vendbanimin nga Gjermania | Vërtetim për vendbanimin e të fejuarit /ës në Gjermani lëshuar përmes zyrës së regjistrimit (jo më herët se para 6 muajsh) |
9. | Dëshmi për njohuritë e gjuhës gjermane | Njohuri të thjeshta mbi gjuhën gjermane mund të dëshmohen parimisht nga një certifikatë gjuhe në nivelin „Deutsch – A1“. Informacione më të hollësishme për këtë mund të gjeni në fletën e informacionit Dëshmi e njohurive të gjermanishtes në procesin e aplikimit për vizë. Përjashtimet për paraqitjen e certifikatës së gjuhës A1 mund të gjenden në FAQ-të tona |
| 10. | Deklaratë me shkrim e të fejuarit / ës që banon në Gjermani sipas §§ 66-68 të Ligjit për të Huajt | I fejuari / e fejuara duhet të deklarojë me shkrim se merr përsipër kostot që mund të lindin deri në momentin e lidhjes martesore në përputhje me §§ 66 – 68 të Ligjit për të Huajt. |
| 9. | Eventualisht deklaratë formale garancie ose vërtetim page për tre muajt e fundit ose vërtetim aktual taksash i të fejuarit/ës që jeton në Gjermani | Nëse i fejuari / e fejuara juaj në Gjermani nuk ka shtetësinë gjermane ai/ ajo duhet të bashkangjisë një vërtetim për financa të mjaftueshme për jetesën e tij dhe të partnerit/ |
| 10. | Eventualisht kontratë qeraje e të fejuarit/ës që jeton në Gjermani | Nëse i fejuari / e fejuara juaj në Gjermani nuk ka nënshtetësinë gjermane, atëherë duhet të paraqitet një vërtetim për hapësirë të mjaftueshme banimi për vete dhe bashkëshortin/en apo partnerin/en. |
| 11. | Mundësisht siguracion shëndetësor | Dëshmi per siguracion shëndetësor nga një kompani e njohur sigurimesh e vlefshme deri në tre muaj nga dita e udhëtimit. Në rast se jeni i siguruar përmes familjarit tuaj në Gjermani atëhere do të vlejë një vërtetim aktual nga kompania e sigurimeve gjermane ku të cilësohet që siguracioni është i vlefshëm që nga dita e parë e hyrjes në Gjermani. Polica e sigurimit duhet të paraqitet jo më vonë nga marrja e vendimit në lidhje me aplikimin Tuaj dhe lëshimit të vizës. |
Në rastin e aplikimit për vizë Ambasada, si rregull, duhet të përfshijë në procedurë zyrën përkatëse për të huajt në Gjermani. Për këtë arsye procedurat zgjasin zakonisht 8 deri në 12 javë, në raste të veçanta edhe më gjatë. Ndaj lutemi për mirëkuptimin Tuaj për faktin që brenda 8 javëve të para, prej ditës së aplikimit, nuk mund t’u japim përgjigje pyetjeve lidhur me stadin aktual të procedurës.
Klauzolë e përjashtimit nga përgjegjësia:
Të gjitha informacionet e mësipërme përcillen pa garancinë se janë të sakta apo të plota. Ato bazohen në stadin informativ të Ambasadës në momentin e hartimit të tyre.